Mae Graddiad Moesegol Cymru yn gwobrwyo sefydliadau sy’n gweithredu i fesur, monitro a rheoli’r perygl o Gaethwasiaeth Fodern a safonau cyflogaeth moesegol yn eu gweithrediadau.

Trwy gydnabod a gwobrwyo’r sefydliadau gorau, mae’r rhaglen wedi ei chynllunio i hybu safonau cyflogaeth, gwella lles gweithwyr yng Nghymru ac ar draws ei chadwyni cyflenwi.

Nid dim ond rhywbeth ‘sy’n braf i’w gael’ yw lles gweithwyr, ond mae’n strategaeth broffidiol a chynaliadwy lle mae cyflogwyr a gweithwyr fel ei gilydd yn elwa.

Golyga strwythur Graddiad Moesegol Cymru y gall sefydliadau o unrhyw faint ymaelodi. Gall sefydliadau rewi neu stopio ar unrhyw lefel, gan weithio drwy’r rhaglen ar eu cyflymder eu hunain.